Ata e donin shumë njëri-tjetrin, aq shumë sa vendosën të martoheshin dy herë. Luis Sepulveda, shkrimtari i njohur kilian që vdiq në moshën 71-vjeçare nga koronavirusi, dhe gruaja e tij, poetja Carmen Yanez, ishin një nga ato çifte të afta për t’i mbijetuar kohës dhe për t’i rezistuar goditjeve të fatit. E fundit ishte, ajo e shkaktuar nga Covid-19, që rezultoi fatale për autorin e "Historia e një pulëbardhe dhe e maces që i mësoi të fluturonte". Bashkëshortja e tij, e prekur nga e njëjta sëmundje, ishte e bindur që pas tre javësh në spitalin e Oviedos burri i saj i dashur do të kthehej në shtëpi, ashtu siç kishte vepruar edhe ajo. Por nuk ndodhi kështu: Sepulveda u largua së bashku me dashurinë e tyre 52-vjeçare.
Bashkimi i tyre, i lindur në fund të viteve gjashtëdhjetë, i ka rezistuar diktaturës së Pinochet-it, torturave të pësuara nga regjimi, distancës dhe madje edhe një divorci. Carmen Yanez ishte vetëm 15 vjeçe në vitin 1968 kur të dy u takuan për herë të parë dhe u dashuruan. Në vitin 1971 ata u martuan, patën një djalë, Carlos, dhe në vitin 1973 u ndanë nga diktatura, pas grushtit të shtetit nga Pinochet-i. Ajo ishte një viktimë e torturave të regjimit, ai protestoi për liri. Në vitin 1977 ai u largua nga Kili dhe katër vjet më vonë edhe ajo bëri të njëjtën gjë. Gjatë viteve të ndarjes, ata takuan njerëz të tjerë derisa u takuan përsëri në 1996, në Evropë, në Pyllin e Zi, të dy me martesa të pafata. Dashuria e tyre mori hov dhe ata vendosën të bashkohen sërish. Dasma e dytë u bë në vitin 2004 në Gjion, Spanjë, sipas "HuffPost".
Dëshmi e pasionit të tyre, edhe gjatë viteve në të cilat ata ishin larg, janë vargjet e shkruara nga Sepulveda në poezinë "La màs bella historia de amor": "Rruga më e shkurtër midis dy pikave është vërdallosja që i bashkon në një përqafim të beftë ”, thotë poema. Ajo tregon për bashkimin e tyre të dytë: “Ne filluam të komunikonim përmes telefonit. Një telefonatë, një sekondë dhe një tjetër. Ne biseduam me njëri-tjetrin për Carlo, por ai përfundoi duke folur për një orë e gjysmë. Më dërgoi të gjitha dorëshkrimet e tij, isha e para që i lexova”, është shprehur poetja në një intervistë për vitin 2016.
Çifti përjetoi simptomat e para të Covid-19 në datën 25 shkurt, duke u kthyer në shtëpi në Gijón, përgjatë bregdetit të Principatës së Asturias, ku ishin shpërngulur në vitin 1997. Të dy kishin marrë pjesë në festivalin letrar "Correntes d'Escritas", i cili u mbajt nga data 18 deri në datën 23 shkurt në Póvoa de Varzim në Portugalinë Veriore.
Gjendja e Sepúlveda ishte menjëherë shumë më shqetësuese sesa ajo e gruas së tij, e shtruar edhe ajo në të njëjtin spital. Pneumonia e shkrimtarit shpejt u shndërrua në diçka tjetër dhe rezultoi fatale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
