Gushti do të jetë një muaj i nxehtë aktivitetesh, organizuar nga institucionet e Ministrisë së Kulturës, por edhe skena e pavarur e mbështetur financiarisht ose jo nga MK dhe bashkitë në vend. Do të jenë festivale muzike e filmi, koncerte, ekspozita, takime libri e shfaqje teatrore në qytetet bregdetare dhe qendra të trashëgimisë kulturore. Pjesa dërrmuese e këtyre aktiviteteve janë pjesë e sezonit veror "KultArt" 2023, organizuar nga Ministria e Kulturës, që çon artin e kulturën atje ku është publiku! Ministrja e Kulturës, Ilva Margariti, ka bërë të ditur programin mujor të aktiviteteve “KultArt 2023” në rrethet ku do të organizohen ato. “Gushti vjen me të tjera surpriza! Nga Lunxhëria e traditave, në bjeshkët magjike të Tropojës, në Përmetin e trëndafilave dhe glikove... Kudo do të ketë aktivitete të mbështetura nga Ministria e Kulturës! Ju zgjidhni pushimet dhe "KultArt2023" vjen te ju! Ky aktivitet është një nga stacionet e sezonit veror "KultArt" 2023, që çon artin e kulturën atje ku është publiku!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
