Gërmimet arkeologjike studimore në Parkun Arkeologjik të Apolonisë po nxjerrin në dritë të dhëna të reja mbi një prej monumenteve publike më të rëndësishme të qytetit antik, bën të ditur Ministria e Kulturës.
Kërkimet po zhvillohen në kuadër të misionit shqiptaro-francez, ndërsa çdo shtresë e zbuluar përbën një dëshmi të çmuar për historinë, zhvillimin urban dhe jetën publike të Apolonisë.
Përmes kërkimit shkencor dhe dokumentimit arkeologjik, studiuesit po rivlerësojnë organizimin urbanistik dhe funksionin e monumenteve publike.
Të dhënat e reja pritet të ofrojnë një këndvështrim më të plotë mbi zhvillimin e Apolonisë dhe rolin që ky qytet luajti në botën antike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
