Klinsi Lala, drejtor i teatrit “Skampa” në Elbasan bëri me dije se këtë muaj do vendosen në skenë 8 shfaqje.
Ai theksoi se është feedback-u i spektatorëve që ndikon në prodhimtarinë e institucioneve.
“Jemi duke zhvilluar në teatrin “Skampa”, sapo dhamë premierën të një komedie ‘Horoskopi Babilonas’ me regji të Spiro Dunit, po na shkon goxha mirë, jemi në javën e dytë. Jemi duke u përgatitur për festën e çlirimit të Elbasanit. Para dy ditësh dhamë premierën e një shfaqje në Teatrin e Kukullave, që u prit shumë mirë nga spektatori, dhe do ta vendosim sërish në skenë këtë javë. Po përgatitemi për “Ëndërr në Papafingo” të Leka Bungos. Kur feedback-u është i menjëhershëm nga spektatori, institucionet vihen në lëvizje që të kenë prodhimtari artistike dhe t’i japin spektatorit sa më shumë shfaqje. Spektatorët nxisin institucionet. Qendra rinore është një hapësirë e mirë në qytetin e Elbasanit, ku bëhen kurse falas, mblidhen të rinjtë, kalojnë kohë dhe afrohen me artin
Ka nevojë për më shumë, arti duhet të përmirësohet. Nga ana infrastrukturore po punojmë për pjesën e ngrohjes dhe ftohjes që e kemi pasur problem për një kohë të gjatë. Janë vendosur stola të rinj në sallë, por sigurisht ka nevojë përmirësime, ndriçime, pjesë teknike”.
Lala tha që Ministria e Kulturës s'ka më lidhje me teatrot e rretheve, pasi të vetmet institcione që varen prej ministrisë janë Teatri Kombëtar dhe Teatri Eksperimental.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
