Zbulime të reja arkeologjike janë gjetur së fundmi në Durrës.
Ministrja e Kulturës, Elva Margariti ka bërë të ditur zbulimet e reja arkeologjike, nga gërmimet që i paraprinë hapjes së themeleve të shkollës “Eftali Koçi”.
Gërmimet zbuluan rrënojat e një muri, ku vihen re disa faza ndërtimi, duke filluar prej periudhës arkaike, një kullë fortifikimi e shek, një kullë fortifikimi e shek. IV-III para Krishtit, por dhe artefakte, si enë qeramike, figurina, tulla, tjegulla, që datojnë prej shek. V-III para Krishtit.
Ministrja njoftoi se këto zbulime kanë çuar në vendimin për zhvendosjen e themeleve të shkollës, hartimin e një projekti konservimi dhe hapjes për publikun.
Ky zbulim, një nga më të rëndësishmit e viteve të fundit, hedh dritë mbi ndarjen e qytetit antik, duke konfiguruar hapësirën urbane dhe hapësirën funerare me nekropolin, si dhe atë të shenjtë. Të dhëna këto deri tani sporadike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
