Dikur fëmijë, në një kamp refugjatësh në Holandë, një vogëlushe kurde mori dhuratë një biçikletë të kuqe plot shkëlqim.
Mevan Babakar, 29 vjeçe me banim në Londër, përdori faqet e mediave sociale për të rënë në gjurmë të burrit që i dhuroi një “biçikletë të madhe me shkëlqim” kur jetonte në një kamp refugjatësh pranë Zwolle në vitin 1994. "Ishte gjëja më e mirë që më ndodhi në një moment të vështirë dhe kjo është arsyeja pse unë dua ta falënderoj", i tha ajo më vonë gazetës lokale “De Stentor”.
"Ai më mësoi që mirësia mund të ekzistojë kudo, pavarësisht çdo gjëje.”
Nga apeli i bërë në mediat sociale përfundimisht ajo arriti ta gjente burrin, i cili tani jeton në Gjermani.
Një punëtor tjetër i kampit, i cili e ndihmoi të përdorte një kompjuter për herë të parë, gjithashtu u vu në kontakt me të.
Familja e Mevan u zhvendos në Turqi, Azerbajxhan dhe Rusi para se të kalonte një vit në kampin e refugjatëve pranë Zwolle dhe më në fund u vendos në Londër. /DutchNews/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
