Për shkak të masave të marra kundër koronavirusit, londinezët, ashtu si dhe pjesa tjetër e botës, nuk kanë mundësi të vizitojnë galeritë e artit. Por, tashmë atyre u ofrohet një alternativë e re artistike. Në një mur nën disa harqe hekurudhore, artisti i rrugës Lionel Stanhope ka pikturuar një vepër klasike të Caravaggio-s, të përditësuar me detaje të epokës së koronavirusit.
"Darka në Emmaus" e mjeshtrit barok italian, zakonisht është në dispozicion për ta parë në Galerinë Kombëtare në Londër, por interpretimi gjigant i Stanhope tani po shfaqet në Ladywell, në Londrën juglindore.
Izolimi i ka dhënë artistit kohën dhe rrugët më të qeta për të përsëritur një pikturë për të cilën ai tha se gjithmonë e ka admiruar dhe dëshironte ta bënte në përmasa të mëdha, njofton “Reuters”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
