20 punime të artit pamor u prezantuan në galerinë e arteve “Vilson Kilica”, të Fierit, krijimtari e 25 artistëve nga 11 shtete të ndryshme të botës në edicionin e dhjetë të “Apolo Art Colony 2021”.
Punimet artistike në pikturë, përfaqësonin artistët e huaj nga abstraktja tek figurativja e gjurmëve, tonalitetet dhe motive personale të artistëve.
Organizatori Saimir Ahmeti e vlerësoi me tone të larta ekspozitën në edicionin e dhjetë të saj, si një pasuri për fondin e galerisë së Arteve të Fierit.
“Jemi në Edicionin e 10-të 'Art Apoloni' megjithëse në kohë pandemie u arrit të realizohet nje aktivitet i sukseseshem nga 25 artistë nga gjithë Europa si: Ukrahina, Rusija, Anglia,Turqia Italia, Kosova të cilët kanë sjellë e një kolorit evident, shkolla të ndryshme, por patëm dhe një bashkëpunim të mirë", tha organizatori Saimir Ahmeti.
Ekspozita “Apolo Art Colony 2021” do të qëndroj e hapur deri më 21 qershor 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
