Në ambientet e Muzeut Historik Kombëtar, në kuadër të Ditës Kombëtare të Trashëgimisë Kulturore, TI Center realizoi instalacionin “Riti i veshjes së xhubletës”, me qëllim të ruajtjes së traditës dhe kulturës shekullore të xhubletës.
Të pranishëm në aktivitet ishin Ministrja e Kulturës Elva Margariti, Ambasadori i BE-së në Shqipëri Luigi Soreca, Drejtori i Muzeut Historik Kombëtar Dr. Dorian Koçi dhe personalitete dhe dashamirës të artit, kulturës dhe gazetarisë.
“Të vishje një xhubletë nuk ishte thjeshtë një rutinë e përditshme, por një rit, ku përfshiheshin një mori elementësh. Çdo detaj I xhubletës e ka një domethënie, një histori.
Xhubleta dhe riti i veshjes, një pasuri, të cilën duam t’ia tregojmë botës, duke e kandiduar në UNESCO, erdhi në një formë moderne falë ekspozitës-instalacion të realizuar nga Ti Center, me mbështetjen e Ministrisë së Kulturës dhe Muzeut Historik Kombëtar”, shkruan Margariti.
Xhubleta është një fund në trajtë këmbane, që vjen i valëzuar sidomos në pjesën e mbrapa. Përbëhet nga një numër i madh copash e rripash të ngushtë shajaku, qepur horizontalisht dhe të ndërthurur me breza gajtanësh. Mbahet e varur në supe me dy rripa të gjerë.
Xhubleta e Malësisë është trashëgimi e qartë e prejardhjes ilire të kulturës tone, që malësorët e përcollën deri në vitet 1950-1960, pra përbën një nga elementët identifikues të veshjes popullore shqiptare, nëpërmjet motiveve, ku emblema për të gjitha është shqiponja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
