Godina e njohur si e ish-të Përndjekurve Politikë, do t’i nënshtrohet restaurimit, duke i kthyer vlerën këtij monumenti që mbart histori.
Lajmin e ka bërë të ditur ministrja e Kulturës, Elva Margariti e cila inspektoi nga afër punimet në këtë kantier, e shoqëruar nga ambasadorja e BE-së në Shqipëri, Christiane Hohmann dhe përfaqësues të tjetër ndërkombëtar.
Margariti tha se, kjo godinë është një nga kantieret më të rëndësishme të përfshira në programin EU4Culture dhe se punimet synojnë edhe kthimin e dinjitetit në një monument që mbart histori.
Së bashku me kreun e European Union in Albania në Tiranë, Christiane Hohmann, drejtuesin e Bashkëpunimit nga Delegacioni i BE-së, Hubert Perr, drejtuesen e Zyrës së UNOPS në Vjenë, Freya von Groote , drejtuesen e UNOPS në Shqipëri, Pamela Lama dhe specialistë inspektuam punimet që synojnë jo vetëm restaurimin, por edhe kthimin e dinjitetit në një monument, që mbart histori.
Kjo ndërtesë ka shërbyer në fillimet e saj si selia e Ambasadës Italiane në Tiranë.
Godina është ndërtuar në vitet ’20-’30 të shekullit të kaluar, ndërsa u shpall monument kulture në vitin 2007.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
