Një imitues norvegjez i Elvis Presley ka thyer sot një rekord botëror duke kënduar këngët e “Mbretit” për më shumë se 50 orë, gjatë një maratone muzikore të publikuar në internet.
Në 50 orë, 50 minuta dhe 50 sekonda, “Kjell Elvis”, emri i skenës i Kjell Henning Bjornestad, ka thyer për më shumë se shtatë orë rekordin e mëparshëm të aprovuar nga Guinness. Ky rekord ishte mbajtur që prej 16 vitesh nga një gjerman Thomas “Curtis” Gäthje.
“Nuk do ta bëj kurrë më”, deklaroi për televizionin norvegjez NRK, sozia e yllit amerikan në përfundim të performancës së tij rreth orës 10:50 (08:50 GMT). Ai kishte filluar të këndonte të enjten në mëngjes në orën lokale 08:00 në një bar në qendër të Oslo-s, me veshjen e plotë të Elvisit.
Sipas menaxherit të tij, iu rekomandua artistit që të mos konsumonte kafe për të kaluar dy netë të tëra. Smoothies, frutat dhe ëmbëlsirat energjike e lejuan atë të shkojë distancën dhe të ruajë zërin e tij, pak i ngathët në orët e fundit.
Bjornestad, 52 vjeç, më parë kishte marrë vëmendjen e mediave ndërkombëtare duke thyer rekordin dy herë, së fundmi në 2003, një maratonë 26 orëshe në atë kohë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
