Përshpejtimi i rritjes së nivelit botëror të detit filloi 30 vjet më herët nga sa mendohej

Shkencëtarët kanë zbuluar se përshpejtimi i rritjes së niveleve botërore të detit ka filluar më herët nga sa ishte parashikuar.

Duke përdorur teknika të reja, studiuesit kanë zbuluar se niveli i ngritjes së niveleve të detit është rritur nga viti në vit që nga vitet 1960. Më parë besohej se kishte filluar të përshpejtohej në vitet 1990.

Sönke Dangendorf dhe kolegët e tij në Universitetin e Siegenit, Gjermani përdornin teknika statistikore për të kombinuar matjet satelitore dhe regjistrimet e matjeve të valëve, duke hartografuar nivelet botërore dhe rajonale të detit nga viti 1900 deri në 2015.

Ata zbuluan se ngritjet në nivelin e detit nisën të përshpejtoheshin rreth vitit 1968 dhe kështu kanë vazhduar nga viti në vit.

Duke përdorur vëzhgimet satelitore që filluan në vitin 1993, shkencëtarët panë që niveli mesatar i detit në Tokë është shpejtuar qëkur filluan ato vëzhgime.

Në punimin e botuar në revistën “Nature”, autorët sugjerojnë se nivelet e detit me siguri filluan të rriten në vitet 1960, kur pjesë të oqeaneve të botës filluan të zgjerohen, ndërsa deti thithi më shumë nxehtësi.

Me humbjen gjithnjë e në rritje të akullit në Groenlandë dhe Antarktidë dhe me rritjen e vazhdueshme të temperaturaturave, ndërsa klima ngrohet, përshpejtimi I këtij procesi ka të ngjarë të rritet gjatë dekadave të ardhshme.