Finalja e madhe e Konkursit të 64 të Eurovizionit do të zhvillohet të shtunën, më 18 maj në Tel Aviv, Izrael, me gjysmëfinale të cilat do të mbahen të martën 14 dhe të enjten më 16 maj.
Sipas nja analize të Euronews, nga 41 vendet konkurruese, favorite e tanishme është Hollanda, në shansin e 2/1, me Duncan Laurence. Favoritja e dytë për këtë vit, sipas Euronews, sipas shanseve, renditet Rusia.
Analiza e Euroneës e nxjerr Shqipërinë me vetëm 1 përqind shansë për të fituar konkursin e këngës europiane.
“Pas provave të para në Tel Aviv, blogerët e Eurovizionit thanë se prezentuesja e këngës shqiptare Jonida Maliqi ishte një nga zërat më të mirë në konkurrim. Megjithatë, provat e para ishin të karakterizuara me probleme teknike, kështu që shpresojmë se ekipi do të ketë fat më të mirë në gjysmëfinale”, shkruan Euronews.
Sidoqoftë ka pasur shumë polemika këtë vit përreth vendit ku do mbahet kompeticioni, me artistë të ndryshëm muzikor që u bëjnë thirrje garuesve të bojkotojnë ngjarjen pas okupimit izraelit të Bregut Perëndimor dhe dhunën atje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
