Ka ndërruar jetë ditën e sotme në moshën 85-vjeçare ikona e kinematografisë kosovare Leze Qena.
Lajmin e ka konfirmuar Shefi i Intenzivës në QKUK, Shaqir Uka, i cili ka deklaruar se ajo ndodhej në spital që nga data 6 mars dhe ka pasur probleme në bark.
Leze Qena i përket plejadës së lartë, pasi kishte plot 55 vite në skenë.
Ajo ka qenë një ndër aktoret e para të Teatrit të Kosovës, ku ka luajtur krah figurave të shquara si Bekim Fehmiu, Istref Begolli etj.
Disa nga rolet më të spikatura të saj janë në ‘Shkolla e fshatit’, ‘Familja moderne’, ‘Macja’ dhe ‘I ikuri’.
Leze Qena ka vdekur në mëngjesin e sotëm në QKUK, vetëm pak ditë pasi ka mbushur 85 vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
