Takim mes drejtorësh të Muzeve Shqipëri-Serbi: Ngritje e urave të bashkëpunimit në fushën e kulturës

Drejtori i Muzeut Historik Kombëtar, Dr. Dorian Koçi, priti sot në një takim drejtorin e Bibliotekës Kombëtare të Serbisë, Vladimir Pištalo.

Gjatë takimit Koçi dhe Pištalo biseduan për ngritjen e urave të bashkëpunimit midis Shqipërisë dhe Serbisë në fusha të ndryshme të kulturës.
Pištalo vlerësoi takimet bilaterale midis dy institucioneve si të rëndësishme në ngritjen e urave të bashkëpunimit kulturor dhe letrar midis Shqipërisë dhe Serbisë dhe në mbështetje të autorëve shqiptarë dhe serbë.

Ndër pikat e paraqitura si nisje e këtij bashkëpunimi, Pištallo veçoi: punën e ngritur për krijimin e një Antologjie të përbashkët me tri autorë shqiptarë dhe tri autorë serbë, në gjuhë shqipe dhe serbe; në mbështetje të projektit “Open Ballkan”, nisja e një perspektive për projekte kulturore në fushën e librit dhe të arteve midis dy vendeve dhe hartimin e programeve të përbashkëta në ndihmesë të autorëve shqiptarë për përkthimin e veprave të tyre në gjuhën serbe dhe anasjelltas; propozimin për një ribotim të plotë të veprës së Ismail Kadaresë, si një prej shkrimtarëve më përfaqësues shqiptarë, por edhe të rajonit.

Drejtori i Bibliotekës Kombëtare të Serbisë, Vladimir Pištalo ndodhet në Tiranë me ftesë të veçantë të drejtores së Qendrës Kombëtare të Librit dhe të Leximit, Alda Bardhyli.