Sot shënohet 8-vjetori i ndarjes nga jeta të shkrimtarit të njohur Dritëro Agolli, një nga emrat më të shquar të letërsisë shqipe.
Ai la një trashëgimi të jashtëzakonshme me një krijimtari të pasur, duke përfshirë poezi, romane, tregime, drama, dhe skenarë filmash.
Në nderim të tij, “Shtëpia Studio Agolli” në Tiranë do të hapë nesër një ekspozitë me titullin "Letra dashurie", e cila do të shfaqë dorëshkrimet origjinale të letrave të dashurisë të Dritëro dhe Sadije Agollit.
Ekspozita do të hapet më 4 shkurt, në orën 17:30, dhe do të jetë një mundësi për adhuruesit e letërsisë dhe të veprës së Agollit të afrohen më shumë me jetën dhe krijimtarinë e tij.
Vepra e fundit e Dritëro Agollit ishte libri me poezi “Prit edhe pak”, kushtuar bashkëshortes së tij, Sadije.
Agolli është vlerësuar me tituj dhe çmime të shumta, përfshirë titullin "Nderi i Kombit" dhe është pranuar si anëtar i Akademisë së Firences “Muzat”.
Ai do të kujtohet gjithmonë për pasurinë e krijimtarisë së tij dhe për kontributin e jashtëzakonshëm në letërsinë shqipe.
U nda nga jeta më 3 shkurt 2017, në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
