Hapet konkursi ndërkombëtar i dizajnit për qendrën e re të vizitorëve në Butrint. Projekti përfshin qendrën e vizitorëve të klasit botëror (me infrastrukturë hyrëse mbështetëse dhe veçori shtesë si gjetja e rrugës) që do të mirëpresë dhe orientojë vizitorët si në Vendin e Trashëgimisë Botërore, ashtu edhe në Parkun Kombëtar më të gjerë.
Juria përbëhet nga specialistë vendas dhe të huaj nga arkitektura, trashëgimia, organizatat. Pjesë e saj është edhe ministrja e Kulturës, Elva Margariti.
Në fazën e parë nuk kërkohet dizjan konkret. Ekipeve multidisiplinare të udhëhequra nga arkitektët u kërkohet të paraqesin detaje të përbërjes së ekipit, përvojës, pyetësorit të parakualifikimit dhe qasjes.
Katër ekipe finaliste do të marrin një honorar prej 10 000 dollarësh për dizajnet e konceptit në fazën e dytë.
Afati i fundit për përgjigjet e fazës së parë është e hënë 24 tetor 2022.
Në maj të këtij viti, Parlamenti miratoi me votat e maxhorancës marrëveshjen e menaxhimit të Butrintit. Marrëveshja mes Ministrisë së Kulturës dhe Fondacionit për Menaxhimin e Butrintit u miratua në seancën plenare të Kuvendit me vota 75 pro, 18 kundër dhe 1 abstenim.
Opozita e kundërshtoi këtë ligj, duke e cilësuar atë koncesionin e radhës që qeveria i jep një fondacioni privat për të menaxhuar një sajt të trashëgimisë kulturore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
