Lezha është kthyer këtë fundjavë në epiqendër të kulturës, traditës dhe historisë.
Artizan dhe artistë nga të gjitha trevat shqipfolëse janë bërë bashkë, në kuadër të veprimtarive që po organizohen për 581-vjetorin e Besëlidhjes së Lezhës.
Përmes tendave të ngritura në sheshin "Gjergj Kastrioti", artizanet e ardhur nga qytete të ndryshme të Shqipërisë dhe jashtë saj po prezantojnë punimet e tyre, ndërsa nxënësit e shkollave të qytetit dhe fshatrave janë bërë pjesë e një koncerti muziko-letrar me karakter konkurrues mes tyre.
Nënkryetarja e Bashkisë Lezhë, Eueda Molla, u shpreh se Besëlidhja e Lezhës është një ngjarje emblematike jo vetëm për qytetin, por për mbarë kombin shqiptar, ndërsa kulmi i festimeve do të jetë të nesër.
Një pjesë e rëndësishme e festimeve është edhe prezantimi i trashëgimisë kulturore përmes krijimtarisë së artizanëve.
Ata sollën punimet e tyre tradicionale, duke nënvizuar rëndësinë e ruajtjes dhe promovimit të vlerave historike e kulturore të shqiptarëve.
Për dy ditë me radhë, Lezha do të jetojë në atmosferën e festimeve, ku çdo aktivitet do t’i kushtohet Besëlidhjes së 2 marsit 1444 dhe figurës së heroit tonë kombëtar, Gjergj Kastrioti Skënderbeu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
