Margariti: Mirënjohje Kadri Roshit, pa të cilin skena dhe ekrani nuk do ishin të njëjtët

Në kuadër të muajit të Teatrit, ministrja e Kulturës, Elva Margariti kujtoi sot aktorin e madh Kadri Roshi.

Mirënjohje për aktorin e madh Kadri Roshi, pa të cilin skena dhe ekrani shqiptar nuk do të ishin të njëjtët.

Kadri Roshi lindi më 4 janar 1924 dhe u nda nga jeta më 6 shkurt 2007 në Tiranë. Ai numëron rreth 180 role në skenë dhe kinematografi.

Nga shumëkush është konsideruar si legjendë e skenës dhe ekranit shqiptar.

Në vitin 1995 është nderuar me Çmimin e Karrierës në Festivalin e Filmit Artistik, në vitin 1997 me Çmimin e Madh të Nderit.

Ai është “Nderi i Kombit” që nga viti 1999.