E blerë për 575 mijë euro, e vlerësuar 69 mijë, tani shitet në ankand për shifrën rekord mbi një milion e 200 mijë euro. Është historia e një statuje që lidhet me falimentimin e Venetto Banca, në Itali, dhe ka marrë vëmendje më shumë sesa vetë kolapsi financiar i bankës.
Vepra është “Amore e psyche stanti” nga Antonio Canova. E ekspozuar në hyrje të bankës, kur ajo ishte në ditët e saj më të mira.
Pas falimentit të bankës, një raport Teknik u përgatit nga konsulenti i Prokurorisë Publike të Romës, Luca Terrinoni, inspektor i Bankës së Italisë, i cili disa muaj të vitit 2015 i kaloi në Veneto Banca, në periudhën më të vështirë të tentativës për të shmangur falimentin, tentativë që u krye nën kontrollin e BQE-së dhe me hetimin penal të hapur në Romë, i cili kulmoi në shkurt të 2015-ës, me një aksion blic të kryer nga Financat.
Veneto Banca e bleu "Amore e Psiche stanti" më 1 shtator 2004, në bazë të rezolutës së miratuar nga bordi i drejtorëve më 27 korrik, nga koleksioni privat në vilën Crespano del Grappa të konteve Pietro dhe Kanali Cristoforo.
Një "mundësi interesante blerjeje në lidhje me një vepër arti prestigjioze", e përshkruan në procesverbalin e bordit drejtues, origjinaliteti dhe gjurmueshmëria e të cilit tek mjeshtri Antonio Canova janë vërtetuar nga Mario Guderzo, ndërsa çmimi vlerësohet i drejtë në bazë të një vlerësimi nga profesor Giuseppe Pavanello.
Në raportin e Terrinonit, vlerësimi i veprës ka një zero më pak krahasuar me çmimin e blerjes: një vlerësim i përfshirë në intervalin 41.400 - 69.000 euro.
Tetë vjet pas shitjes, shtëpia e ankandeve Bonino të enjten e ofroi statujën për 1 228 500 euro. Shifra rekord për një vepër të Canova-s, pavarësisht nga çmimi fillestar i rënduar prej 200 000 euro, në fakt u përgjysmua, për shkak të kufizimeve të vendosura nga Ministria e Trashëgimisë Kulturore, e cila e pengoi atë të shitej jashtë vendit.
Pavarësisht kësaj, vepra shënoi një rekord të ri, duke dyfishuar 602 mijë eurot e «Venus and Adonis Group». Ekspertët thonë se pa kufizime, me një shitje të hapur, “mund të kishim arritur në 4 milionë”.
Në këtë pikë mbetet për t’u parë çfarë mund të ndodhë me pjesën tjetër të veprave të Veneto Banca që mund të dalin në shitje. Në raportin teknik të Terrinonit thuhet se në gjysmën e dytë të 2015 Veneto Banca kishte dy grupe punimesh të vlerësuara nga shtëpitë ndërkombëtare të ankandeve Bonhams dhe Sotheby's.
/ Corriere.it /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
