Jennifer Lopez dhuron ushqim për një vit në një shkollë

Nxënësit e shkollës fillore Jacksboro do të kenë ushqim për gjithë vitin e ardhshëm falë Jennifer Lopez dhe të fejuarit të saj Alex Rodriguez.

Çifti bëri një dhurim bujar pasi u prek nga postimi emocionues i mësueses së shkollës fillore në Jacksboro, Brooke Goins në Facebook, së cilës iu desh të blinte ushqimin e një nxënësi, dhe thoshte: “Sot qava në punë. Jo se e urrej punën time apo se është e vështirë (është vërtet). Sot kam qarë për një fëmijë, një fëmijë që aq pafajësisht foli për ushqimin dhe mungesën e tij".

Goin vazhdoi të shkruante për nxënësin në nevojë për të cilin ajo dhe mësuesit e tjerë grumbulluan para për të blerë ushqim për të. Lopez dhe Rodriguez u bashkuan për të ndihmuar.

Lopez postoi një video në llogarinë e saj zyrtare në Instagram ku ajo dhe Rodriguez shfaqen me Goins dhe nxënës. /CNN/