Kalaja e Prezës, në periferi të Tiranës, që pas dëmtimeve që mori nga tërmeti i vitit 2019, i është nënshtruar restaurimit për rindërtimin e saj.
Ministrja e Kulturës, Elva Margariti e shoqëruar nga ambasadorja e SHBA-së Yuri Kim përuruan sot restaurimin e saj.
Një ndërhyrje delikate, realizuar falë ndihmës bujare të SHBA, që akordoi për ringritjen e monumenteve të kulturës gjithë Fondin e Ambasadorit për Trashëgiminë, ashtu si nuk kishte ndodhur më parë.
Ministrja tha se restaurimi i kalasë së Prezës, zbatuar nga CHwB Albania, nuk ishte i lehtë për shkak të shkallës së dëmtimit, por edhe teknikave të ndërtimit të saj.
Është bërë një punë e madhe, jo thjesht për të ringritur kullën apo për të restauruar muret, por për të “shëruar” të gjitha patologjitë e hasura gjatë ekspertizës së monumentit, për ta përforcuar, për ta bërë atë më rezistente ndaj lëkundjeve sizmike, por pa cenuar vetë monumentin.
Ky përurim përkon me fillimin e Javës së Kulturës Amerikane, mbushur me aktivitete masive, të hapura për publikun, që i shërbejnë njohjes së njëri-tjetrit dhe promovimit të kulturave të dy vendeve tona.
Kalaja e Prezës është një kala tipike mesjetare e shekullit XV.
Kalaja ka shërbyer si pikë e fortifikuar për të mbrojtur Krujën nga rreziqet që mund t’i vinin nga deti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
