Pas debutimit për herë të parë si aktore në filmin “A star is born”, në krah të Bradley Cooper, këngëtarja Lady Gaga i rikthehet sërish kinemasë. Oferta ka ardhur nga regjisori Ridley Scot, për një rol në filmin që bazohet mbi historinë e vërtetë të vrasjes së trashëgimtarit të shtëpisë së modës, Gucci.
Lady Gaga do të luajë rolin e Patrizia Reggiani-t, të cilën Maurizio Gucci e braktisi pas 12 vitesh martesë për një grua më të re në moshë. Reggiani u dënua me 18 vjet burg për organizimin e vrasjes së bashkëshortit në vitin 1995. Ajo u pagëzua me nofkën Vejusha e Zezë gjatë procesit gjyqësor dhe u lirua në vitin 2016.
Filmi i regjisorit Scot bazohet në biografinë “Shtëpia Gucci: Një histori sensacionale vrasjeje, çmendurie, lakmie dhe mode”, e shkruar nga Sara Gay Forden, të cilës regjisori i “Gladiatorit” i ka blerë të drejtën e autorit.
Ky film risjell sërish në ekran këngëtaren Lady Gaga, e cila ishte në kërkim të një projekti kinematografik pas suksesit të filmit “A star is born”, i cili mori dy nominime dhe një Oskar për këngën më të mirë origjinale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
