72 vjet nga ekzekutimi i 22 intelektualëve/ Në Muzeun Kombëtar jepet shfaqja “Mendje të bukura, shpirtra të lirë”

Dje u mbushen 72 vjet nga ekzekutimi i 22 intelektualëve pranë Urës së Beshirit.

Në kujtim të ditës tragjike, kur do t'u merrej jeta 22 intelektualëve, të akuzuar se pasdreken e 19 shkurtit 1951 kishin hedhur një sasi dinamiti në oborrin e ndërtesës së ambasadës sovjetike, përkujtohet Sabiha Kasimatin, nismëtarja e themelimit të Muzeut të Shkencave të Natyrës, e cila u ekzekutua së bashku me 21 persona të tjerë mesnatën e 26 shkurtit të vitit 1951, pranë Urës së Beshirit.

Në nder të kurajos së saj intelektuale,  Autoriteti për Informim mbi Dokumentet e ish-Sigurimit të Shtetit 1944-199, bën të ditur se sot jepet shfaqja “Mendje të bukura, shpirtra të lirë”, me autore Rovena Rozhanin dhe regji të Suela Bakos, në të cilën të rinjtë u ‘japin zë’ tri shkencëtareve, Mari Kyri, Sabiha Kasimati dhe Rozalinda Frenklin.

Tre copëza jete dhe pune, në kohë e vende të ndryshme të shkrira në një skenë të vetme.

Shfaqja është përgatitur nga grupit teatror i gjimnazit “Qemal Stafa”, gjimnazit “Ismail Qemali”, gjimnazit “Andon Zako Çajupi” dhe shkollës 9-vjecaren “Jeronim de Rada”.

Shfaqja “Mendje të bukura, shpirtra të lirë” prezantohet në sallën “UNESCO”, në Muzeun Historik Kombëtar, prej orës 14.