Filmi shqiptar “Vdekja e kalit”, prodhim i vitit 1992 është përzgjedhur mes 20 filmave evropianë, që do të shfaqen falas për publikun në programin “ArteKino Classics” në kanalin arte.tv.
Ministrja e Kulturës, Elva Margariti, tha se shfaqja e këtij filmi është një ngjarje për kinemanë tonë dhe një nxitje për të ecur më tej në procesin e restaurimit dhe promovimit të filmit shqiptar.
Një nga filmat më të rëndësishëm shqiptarë për ndërrimin e sistemeve “Vdekja e kalit”, prodhimi i vitit 1992, me regji të Saimir Kumbaros, i restauruar nga Arkivi Qendror Shtetëror i Filmit me bashkëpunimin e Audio-Video-Film, Shai Drori dhe ACE – Association des Cinémathèques Européennes, është përzgjedhur mes 20 filmave evropianë që do të shfaqen falas për publikun, në programin “ArteKino Classics”, në kanalin arte.tv, subtitruar në 6 gjuhë, me mbështetjen e Creative Europe.
Bazuar në një histori të vërtetë, “Vdekja e kali” është drama e parë filmike shqiptare e realizuar pas rënies së regjimit komunist.
Filmi është realizuar në vitin 1992 dhe mban firmën e regjisorit Saimir Kumbaro e skenar të Nexhati Tafa, nën interpretimin e Timo Fllokos, Rajmonda Bulkut, Tinka Kurti, etj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
