Qindra njerëz janë mbledhur dje në Limerick, Irlandë, për të bërë homazhe para trupit të këngëtares Dolores O’Riordan. Funerali do të mbahet sot.
Trupi i pajetë u vendos në kishën e Shën Jozefit, ku gjatë gjithë kohës luheshin këngë të Cranberries.
Në kurorën pranë arkëmortit shkruhej: “Kënga ka mbaruar, por kujtimet mbeten”.
Peshkopi i Limerick-ut, Brandan Leahy, e cilësoi O’Riordan “një bijë të dashur” të qytetit ku ka lindur.
O’Riordan u nda nga jeta disa ditë më parë, në moshën 46-vjeçare. Ajo u gjet e pajetë në një hotel në Londër. Policia britanike po heton në lidhje me vdekjen e saj, pasi ka përjashtuar pistën e vrasjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
