Shkodra Universal Sounds vjen që nga sot me një mozaik muzikor në qytetin e Shkodrës, në të cilën përfshihen: “Shkodra Jazz Festival”, “Rrok Academy” dhe “Shkodra Sound”.
Ministri i Ekonomisë, Kulturës e Inovacionit Blendi Gonxhja njpftoi se aktivitetet e muzikës jazz do të shtrihen prej 12 gushtit e deri më datën 1 shtator.
‘Shkodra Jazz Festival’ vjen në vitin e tij të 15-të, ndërsa ruan me fanatizëm traditën dhe jetëgjatësinë ndër vite.
“Përjetoni një atmosferë ndryshe, me tinguj unikë në veriun e Shqipërisë”, shkroi ministri Blendi Gonxhja.
Aktivitetet muzikore do të zhvillohen në pika të rëndësishme të qytetit, si sheshi para bashkisë apo oborri i Muzeut Historik të Shkodrës (Banesa Oso Kuka).
Ky aktivitet mbështetet nga Bashkia Shkodër, MEKI si dhe ka bashkëpunëtor të saj Institutin Italian të Kulturës Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
