Ministrja e Kulturës, Elva Margariti, ka berë të ditur se Drejtoria Rajonale e Trashëgimisë Kulturore Berat ka filuar me punën për ruajtjen e trashëgimisë kulturore. Sipas saj, specialistët e Drejtorisë të Trashëgimisë Kulturore në Berat po punojnë për restaurimin e banesës së familjeve Nova dhe Bilali në lagjen “Kala”.
Margariti, ka shkruar në rrjete sociale se “ka nisur rregullimi i çatisë për të vijuar me fasadën, dritaret, ambientet e jashtme e elemente të tjera, që e bëjnë këtë ndërtesë monument kulture”.
Banesa Nova është monument kulture kategori e II dhe ndodhet përgjatë rrugicës që të çon tek çanaku. Ndërhyrja restauruese konsiston në ndërhyrje në çati me zëvendësimin e elementëve drusorë të degraduar, mbulim me letër katrama, restaurim fasade, suvatim çatmaje në ambientet e jashtme, restaurim dritareve, vendosje kolona qoshe dhe fashature horizontale.
Arkitektura unikale e banesave në Berat duket se i përket kryesisht fazës ndërtimore të shek. XVIII-XIX me ndërthurjen e elementëve të gurit me atë të drurit.
Kompaktësia e ndërtimeve, lidhja e përkryer e tyre me truallin ku vendosen dhe pamja pak a shumë e njëjtë arkitekturore, i bëjnë këto banesa një prej pikave më tërheqëse në tërësinë e vlerave të qendrës historike të Beratit.
Zona e Kalasë ka fortifikime guri që nga gjysma e parë e shekullit të 4-t. Në kohët e lashta ai ishte i njohur si Antipatreja, një qytet i fortifikuar që ka arritur t’u rezistojë legjioneve romake të kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
