“Mos fragmentoni Butrintin!” UNESCO kërkon hartën e kufijve, Tare: Përgjegjëse Margariti

<p>Autoritetet shqiptare duhet të dorëzojnë një hartë të kufijve të pronës së Butrintit, të cilët janë ndryshuar dy vjet më parë nga qeveria shqiptare, pa dijeninë dhe pa miratimin e UNESCO-s.</p> <p>Ky është vendimi që ka marrë UNESCO në lidhje me Butrintin këë të enjte në mbledhjen e Trashëgimisë Botërore të UNESCO-s në Nju Delhi në Indi.</p> <p>Ish-drejtuesi i parkut të Butrintit, Auron Tare, tha për MCN se sa i takon Butrintit nuk është çështja e hartave, por aty ka një seri problematikash dhe kryesorja është fragmentarizmi i parkut kombëtar.</p> <blockquote> <p><strong>Sa i përket hartës zona midis fundit të Ksamilit deri te vendi i njohur si Pema e Thatë e gjithë zona është futur në sitën e zonës së mbrojtur nga ministria e kulturës, por çuditërisht 2 vite më parë në drejtimin e zonjës Margariti u kërkua heqja duke i hapur rrugë sot ndërtimeve atje.</strong></p> <p><strong>Sa i takon Butrintit nuk është çështja e hartave te Butrinti, por aty ka një seri problematikash dhe kryesorja është fragmentarizmi i parkut kombëtar dhe këtë kërkon UNESCO.</strong></p> </blockquote> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Tare tha se UNESCO ka nxjerrë problematikat e saj mbi mbrojtjen e zonës dhe se shteti sipas tij ka mjaftueshëm fonde të nxjerra prej tij për ta menaxhuar atë në mënyrë ekselente.</p> <p>UNESCO i kërkon Shqipërisë që t'i paraqesë Qendrës së Trashëgimisë Botërore, deri më 1 shkurt të vitit 2025, një raport të përditësuar mbi gjendjen e ruajtjes së pronës dhe zbatimin e vendimit, duke përfshirë një plan veprimi të detajuar me një afat kohor edhe për zbatimin e rekomandimeve të misioni të vitit 2022, për shqyrtim nga Komiteti i Trashëgimisë Botërore në sesionin e tij të 47-të.</p> <p>Ndërkohë, edhe në vendimin për Gjirokastrën dhe Beratin, UNESCO thotë se <em>“vëren me keqardhje se, pavarësisht kërkesave të mëparshme, Shqipëria nuk ka zbatuar plotësisht projektin për zhvillimin e Planit të Menaxhimit në bashkëpunim me sektorin qeveritar dhe civil, financuar nga Fondi i Trashëgimisë Botërore”.</em></p> <p><em>&nbsp;&nbsp;&nbsp;&nbsp;&nbsp;&nbsp;</em></p> <p>&nbsp;</p> <iframe width="560" height="315" src="https://www.youtube.com/embed/ba3256K2kdk?si=AhzY4mcJ7lLj--dk" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>