Vijojnë punimet restauruese në Kalanë e Lezhës.
Lajmin e dha ministri i Ekonomisë, Kulturës dhe Inovacionit, Blendi Gonxhja.
Gonxhja bëri të ditur se, ekipi i “EU4Culture” po punon për rehabilitimin e pjesës veriore të murit të kështjellës, e cila ka pasur dëmtime të rënda.
Pas dekadash përkeqësimi dhe dëmtimeve të tjera nga tërmeti i vitit 2019, kjo ndërhyrje është shumë e rëndësishme për të parandaluar një shembje dhe për të ruajtur strukturën derisa të bëhet restaurimi i plotë.
Faza e parë e punimeve restauruese ka filluar me gërmime dhe teste arkeologjike në zonën e ndërhyrjes.
Kalaja e Lezhës është një nga objektet më të rëndësishme të Trashëgimisë Kulturore dhe Historisë Shqiptare.
Kalaja e qytetit antik të Lezhës rrethohet nga mure të periudhave të ndryshme që vijojnë nga antikiteti shek.IV p.k me emrin qyteti i lashtë I Lisit, ajo është djegur dhe rregulluar disa herë, ndërsa rindërtimet e saj të fundit të dokumentuara janë të vitit 1521, në kohën e Sulltanit Sulejmanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
