Në vazhdën e përpjekjeve për ruajtjen e trashëgimisë kulturore, është përfunduar restaurimi i banesës së familjes Angonati në Gjirokastër, një nga shembujt më të rrallë të arkitekturës tradicionale të qytetit.
Lajmi u bë i ditur nga Ministri i Turizmit, Kulturës dhe Sportit, Blendi Gonxhja, i cili theksoi rëndësinë e ruajtjes së identitetit historik dhe arkitektonik të qyteteve muze.
Ndërhyrjet e kryera në çati, fasadë dhe elementët mbrojtës i kanë dhënë banesës një pamje të re, duke ruajtur autenticitetin dhe duke e mbrojtur për gjeneratat që do të vijnë.
Ky kompleks banimi është një dëshmi e rrallë e arkitekturës gjirokastrite, ku dritaret e shumta, ballkoni unikal dhe prania e tre oborreve tregojnë për zhvillimin e banesës qytetare dhe përshtatjen e saj me kohën.
E ndërtuar në vitin 1881, banesa “Angonatët” është Monument Kulture i Kategorisë I, pasqyron mjeshtërinë e ndërtimit me gur dhe ndikimet arkitekturore të fundit të shekullit të XIX-të.
Karakteristikat e saj arkitektonike, dritaret e shumta, ballkoni unikal dhe prania e tre oborreve, reflektojnë zhvillimin e jetës qytetare dhe përshtatjen e banesës me nevojat e kohës.
Struktura e saj bazohet në mure guri shtresor, tipik për ndërtimet tradicionale të zonës, duke e bërë atë një objekt me vlera të padiskutueshme historike dhe kulturore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
