Për vitin 2022, kalendari më i famshëm në botë i është besuar një këngëtari. Bryan Adams, muzikant dhe fotograf, do të punojë për Kalendarin Pirelli 2022. Lajmin e bëri të ditur betë Adams përmes rrjeteve të tij sociale.
"Jam krenar që jam zgjedhur si fotograf i Kalendarit Pirelli 2022. Kombinimi i fotografisë dhe muzikës është diçka shumë emocionuese dhe padyshim do të përfshijë njerëz të jashtëzakonshëm. Fotografimi do të nisë pas disa javësh. Jam i entuziazmuar", tha ai.
Kalendari Pirelli nuk u realizua vitin e kaluar, për shkak të situatës së krijuar nga Covid-19.
Por 2020 nuk ka qenë viti i vetëm i mungesës së Pirellit në treg. Kalendari është pezulluar edhe në 1967 dhe më pas nga 1975 deri në 1983.
Bryan Adams e ka kombinuar karrierën e tij në botën e rock-ut me pasionin e tij për fotografinë, duke arritur suksesin me foto, ndër të tjera, të artistëve nga bota e muzikës dhe kinemasë dhe protagonistëve të botës së modës. Në mesin e njerëzve të përjetësuar në foto prej tij janë Sir Mick Jagger, John Boyega, Amy Winehouse, Naomi Campbell, por edhe personalitete nga bota e politikës dhe liderëve të vendeve, deri te Mbretëresha Elizabeth, të cilën Bryan e fotografoi me rastin e Jubileut të tij të Artë. Portretet e tij janë shfaqur në revista të tilla si Vogue, Vanity Fair, GQ dhe Harper's Bazaar, si dhe në revistën e tij të artit "Zoo". Ndër botimet e punimeve të tij janë 'American Women' (2004), 'Exposed' (2012), projekti britanik i veteranëve të luftës 'Wounded: The Legacy of War' (2014) dhe 'Homeless', i lançuar në 2019. Ana tjetër e krijimtarisë së tij, muzikës, gjatë 40 viteve të fundit, Adamns ka qenë në krye të top listave në mbi 40 vende të botës. Ai ka fituar 3 Çmime Oscar, 5 nominime për Golden Globe dhe një Çmim Grammy. Albumi i tij i 15-të do të dalë në treg në vitin 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
