Në Muzeun Arkeogjik të Durrësit ëshët prezantuar thirrja e parë e grantit prej 1,5 milionë dollarësh akorduar nga Bashkimi Evropian përmes programit EU4CULTURE, zbatuar nga UNOPS.
Ministrja e Kulturës, Elva Margariti, lidhur me këtë aktivitet, tha se kjo thirrje vë në dispozicion të 590 mijë dollarë për 11 projektet fituese nga 58 aplikime.
Prezantuam sot në Muzeun Arkeogjik në Durrës, këtë qytet-simbol të ringritjes posttërmet, thirrjen e parë të grantit prej 1,5 milionë dollarësh akorduar nga Bashkimi Europian përmes programit EU4Culture zbatuar nga UNOPS.
Sipas ministres këto 11 projekte do të krijojnë të tjerë rrathë bashkëpunimi, duke krijuar mundësi punësimi dhe zhvillimi për zonat përreth monumenteve të përfshira në Programin EU4Culture.
Dhënia e granteve për nxitjen e sipërmarrjes, për ringjalljen e artizanatit do të jetë një mundësi e mirë për një start të ri; për t’i dhënë jetë zonave të prekura nga tërmeti; që si në një reaksion zinxhir do të ndikojë në zhvillimin e turizmit kulturor dhe në një zhvillim ekonomik dhe social të qëndrueshëm”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
