Qendra Kombëtare e Librit shpall fituesit e Fondit të Përkthimeve nga shqipja në gjuhë të huaj

Qendra Kombëtare e Librit dhe Leximit, në praninë e ministres së Kulturës Elva Margariti dhe të jurisë së përbërë nga Diana Kastrati, Esmeralda Kromidha dhe Ben Andoni, shpallën fituesit e Fondit të Përkthimeve të veprave nga gjuha shqipe në gjuhë të huaj.

Margariti vuri theksin në “rëndësinë e vazhdimësisë së këtij fondi për mbështetjen e letërsisë shqipe në gjuhën e huaja”.

Të njëjtin vlerësim pati dhe drejtoresha e QKLL-së, Alda Bardhyli.

Nga 13 aplikime të ardhura pranë QKLL-së, juria përzgjodhi gjashtë vepra fituese:

1. Eurasia 1618 LP, Arjan Leka, Hartë memece për të Mbyturit, Andrea Zarballa, greqisht.
2. Fauves Éditions, Zija Çela, Djalli Komik, Sebastien Gricourt, frëngjisht
3. Ginger Ape Book, Rudi Erebara, Epika e Yjeve të Mëngjesit, Maria Roces Gonzalez, spanjisht.
4. Besa Muci, Tom Kuka, Gurët e Vetmisë, Valentina Notaro, italisht.
5. Besa Editrice, Bashkim Shehu, Udhëkryqi dhe Humnerat, Mirela Alushi, italisht.
6. Grammata, Natasha Lako, Qiell Europe, Petro Çerkezi, greqisht