E premtja në Kosovë është shpallur ditë zie shtetërore në nderim të akademikut Rexhep Qosja
Ushtruesja e detyrës së Presidentes së Kosovës, Albulena Haxhiu, ka njoftuar se dita e premte, 24 prill 2026, është shpallur ditë zie shtetërore në Kosovë, në nderim të jetës dhe veprës së akademikut Rexhep Qosja.
Sipas saj, ky vendim vjen si shprehje e respektit institucional për kontributin e tij të jashtëzakonshëm në kulturën shqiptare.
“Në nderim të jetës dhe veprës së akademikut Rexhep Qosja, dita e nesërme, e premte, 24 prill 2026, shpallet ditë zie shtetërore në Republikën e Kosovës”, ka deklaruar Haxhiu.
Ajo ka theksuar se shteti i Kosovës shpreh mirënjohje për figurën e Qosjes dhe ndikimin e tij në fushën e dijes dhe kulturës.
“Me këtë vendim, shteti ynë shpreh nderimin dhe mirënjohjen për një personalitet që i dha kulturës shqiptare dije, vepër dhe autoritet”, ka shtuar ajo.
Akademiku Rexhep Qosja ka ndërruar jetë sot në moshën 89-vjeçare.
Qosja ishte shkrimtar, historian i letërsisë, profesor universiteti dhe akademik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
