Nën tingujt e jazz-it dhe veshje të viteve ’30, Shkodra mirëpriti eventin e përvitshëm që ka për synim të ringjallë ndjenjën e lirisë kulturore, në një qytet me traditë të lashtë muzikore dhe artistike.
“Jazz not war” është motoja nën të cilin u zhvillua këtë vit festivali i jazz-it në Shkodër, një event i përvitshëm artistik që evokon dhe promovon muzikën jazz.
Kryeministri Edi Rama ndau sot pamje nga atmosfera e veçantë që sjell ky event në qytetin e Shkodrës.
“Shkodra në një atmosferë të veçantë jazz-i”, tha Rama, ndërsa ndau albumin e fotove.
30 prilli njihet si Dita Ndërkombëtare e muzikës Jazz , e cila festohet me qëllim rritjen e vetëdijes për vlerat e Jazzit si një mjet edukativ dhe forcë për paqen, unitetin, dialogun dhe bashkëpunimin e zgjeruar mes njerëzve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
