Roland Tasho mjeshtri i fotografisë ka sjellë në Gjirokastër ekspozitën e tij fotografike nën titullin ‘Praga me 36 punime’.
Në fotot e realizuara, autori ka sjellë krahas pamjeve edhe njerëz të njohur të Shqipërisë që kanë punuar në kryeqytetin e Çekisë.
Ai thotë se në udhëtimet e tij ka dëgjuar histori të ndryshme ndërsa ka fotografuar njerëz dhe vende të shumta që i kanë bërë përshtypje.
Ekspozita është ndjekur edhe nga ambasadori i Çekisë Karel Urban i cili ka vlerësuar punën e fotografit, ndërsa është impresionuar nga qyteti.
Edhe prefekti i qarkut Gjirokastër, Odise Kote ka shprehur vlerësimin e tij për këtë ekspozitë si dhe rëndësinë që kanë këto aktivitete për qytetin.
Ekspozita është ndjekur nga artdashësit me interes të lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
