Nëse ata që shkelin ligjin bëjnë lajm, ata që e bëjnë dhe e zbatojnë bëjnë historinë. Më 29 mars, në Netflix vjen “The HighWaymen”, filmi që tregon historinë e vërtetë të detektivëve që arrestuan Bonnie dhe Clyde. Filmi i regjisorit John Lee Hancock vë në rolet e dy detektivëve aktorët Kevin Costner dhe Woody Harrelson.
Filmi bazohet në historinë e Bonnie Elizabeth Parker dhe Clyde Chestnut Barrow, çifti amerikan i keqbërësve që udhëtonin së bashku me bandën e tyre nëpër Amerikën Qendore në periudhën e depresionit të madh, duke grabitur dhe vrarë njerëz nëse ata bënin rezistencë.
Dy aktorët e njohur janë në rolet e Frank Hamer (Costner) dhe Many Gault (Harrelson), dy detektivë në pension që thirren për të kapur çiftin që po përgjakte Amerikën, pavarësisht përpjekjeve të FBI-së për t’i ndalur.
Projekti për këtë film të tillë ka lindur rreth 15 vjet më parë dhe parashikonte në rolin e protagonistëve aktorët Paul Neëman dhe Robert Redford. Por ky projekt nuk u çua kurrë në fund. Tashmë ai është rimarrë me idenë për të hedhur dritë më shumë mbi dy ish-efektivët e Texas Rangers sesa mbi Bonnie dhe Clyde, për të cilët janë bërë disa filma.
Trembëdhjetë ishin vrasjet e kryera nga çifti, gjatë viteve ’30. Terrori që ata mbollën përfundoi me plumbat e detektivit në pension, Hamer, që luhet nga Kevin Costner.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
