Në Tiranë studiues nga trevat shqiptare në Kuvendin ndërkombëtar për gjuhën shqipe

Rreth 90 studiues nga mbarë trevat shqiptare janë bërë bashkë këto ditë në Tiranë për të diskutuar për gjuhën, historinë edhe kulturën shqipe.

Studiues të fushave të ndryshme nga Shqipëria, Kosova, Mali i Zi dhe Maqedonia janë mbledhur në Kuvendin Ndërkombëtar “Vazhdimësia historike-gjuhësore dhe etnokulturore” për të zbuluar rrënjët tona.

Siç bëhet e ditur, studiuesit në Muzeun Historik Kombëtar e konsiderojnë këtë kuvend, si një përpjekje shumë serioze, për të konceptuar pluralizmin në kulturë, si diçka që nuk u përket vetëm akademive dhe fakulteteve, por që mund të iniciohet edhe nga iniciativa të pavarura. Ata konsiderojnë se aktualisht qytetërimi shqiptar është në rrezik, për shkak se kujtesa kombëtare e shqiptarëve ndodhet e sulmuar nga shqiptarët edhe të huajt.

Kuvendi Mbarëkombëtar do të vazhdojë punimet deri më 12 maj, në Muzeun Historik Kombëtar.