Në fillim të muajit maj do të fillojnë punimet për restaurimin e mozaikut të Muzeut Historik Kombëtar në Tiranë, kishës së Shën Marisë në Rubik dhe kishës së Shën Ndojit në Kepin e Rodonit.
Lajmi u bë i ditur nga ministrja e Kulturës, Elva Margariti, e cila tha se “programi EU4CULTURE është gati për të ngritur kantieret e para”.
Në bashkëpunim të ngushtë me UNOPS do zhvillohen projektet e rijetëzimit për 10 sitet e para prioritare, për të cilat pritet të fillojnë punimet së shpejti”.
“Falë mbështetjes së Bashkimit Europian jo vetëm po mbyllim plagët e tërmetit, por do t’u japim jetë monumenteve dhe hapësirave përreth. Më shumë mundësi, më shumë shpresë. Shqipëria është e ardhmja jonë”, ka shkruar ministrja Margariti.
Në mbledhjen e këshillit drejtues të programit “EU4CULTURE” ishte i pranishëm edhe ambasadori i BE-së në Shqipëri, Luigi Soreca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
