"Rikthim në shtëpi", është ky aktiviteti i mbajtur dedikuar intelektuales gjirokastrite Musine Kokalarit.
Kryetarja e qarkut Gjirokastër Lindita Rova tha se shumë shpejt në Gjirokastër do të ketë një pavijon të posaçëm për Musine Kokalarin ashtu siç ajo e meriton.
Gjatë aktivitetit u prezantua libri i botuar së fundmi nga të afërmit e saj Nene Zenejdia si dhe kostumi me të cilën Musineja ka pozuar në rininë e saj i cili u punua nga qëndistarja Eli Zhulati.
Për qëndistaren Eli Zhulati thurja e këtij kostumi ishte shumë i rëndësishëm duke iu afruar më së shumti origjinalit për ti mbetur qytetit si pjesë e asaj çka ka lënë pas Musine Kokalari.
Përgjegjësi i trashëgimisë Ilir Lluri ka treguar më shumë për këtë libër të hartuar në bazë të dokumenteve dhe shkrimeve që la Musineja, në të cilin janë trajtuar 80 zakone dhe tradita gjirokastrite.
Përgjatë aktivitetit të pranishmit kanë recituar edhe pjesë nga dorëshkrimet e Musinese për fëmijërinë e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
