Aktorët Rei Beka, Bledi Naska dhe Manjola Merlika zbuluan në emisionin “Zgjohu me MCN”, magjinë e punës së tyre.
Ata rrëfyen detaje nga puna e tyre dhe mënyrën se si përshtaten me karakteret që interpretojnë.
Bledi Naska u shpreh se kënaqeshin dhe argëtoheshin shumë kur nisën dublimin.
Xhoni Bravo, Spiderman, janë disa nga personazhet më të spikatur. Dublimi është proces i vështirë, por një aktor e merr përsipër për ta bërë se zotëron disa elementë dhe aftësi.
Ti duhet të dëgjosh, ta kesh mendjen te sinkroni, artikulimi dhe të përshtatesh me mënyrën e të folurit të personazhit.
Manjola Merlika rrëfeu se kanë nisur të dublojnë ato personazhe që i shikonin kur ishim fëmijë vetë.
Kur mu ofrua roli i Sailor Moon unë u kënaqa, se e adhuroja atë kohë. Arieli ka qenë një personazh shumë i bukur.
Në fillimet e dublimeve ka patur audicione, se kush i përshtatej personazhit, zërit, figurës. Ishte koha kur sapo hynë dublimet në Shqipëri dhe gjëja e parë që iu ra ndërmend ishte tek studentët e aktrimit.
Se më vonë filluan të futen edhe njerëz që mund të kishin pasion apo dhunti te shndërrimi i zërave.
Rei Baka tha se kur bën role shtesë, harron ngatërron zërat mes personazheve.
Unë kam studiuar për Inxhinieri Ndërtimi, nuk kam studiuar në Akademinë e Arteve. Fillova te “Çmendina dublim”.
Në fillim e nisëm për trajnim zërash, pastaj filluam ta bënim me episode javë për javë.
Në fillim nuk e kisha me qejf punën e kukullave, se është në gjuhën standarde, por duhet të fusësh dhe pak dialekt dhe ta përshtatësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
