Festivali Folklorik Kombëtar i Gjirokastrës ka ulur mbrëmë siparin duke regjistruar edicionin e 11-të të tij. Për të parën herë pjesë e programit ishin edhe rreth 40 aktivitete artistike, kulturore, promovimin e vlerave të traditës të cilat gjallëruan Gjirokastrën dhe tërhoqën një numër të madh turistësh. Ministrja e Kulturës, Elva Margariti, tha se përmbyllja është bërë përmes një dasmë të madhe me krushq nga Shqipëria e Kosova. "Me një dasmë të madhe, me krushq nga Shqipëria e Kosova festuam natën përmbyllëse të Festivali Folklorik Kombëtar Gjirokastër 2023! Ishim me mijëra, shqiptarë e turistë të huaj që kënduam e kërcyem deri vonë nën ritmet e muzikës popullore, me farfurinë e kostumeve dhe dritave të një skenografie që i dha edhe më shumë bukuri këtij festivali! Për t’u mbyllur me fishekzjarrë gëzimi dhe falënderimi për më shumë se 1200 artistë që u ngjitën në skenë dhe stafin e palodhur që organizoi edicionin XI të FFKGJ 2023!". Falë vlerave të jashtëzakonshme që përcjell për promovimin dhe ruajtjen e traditave kombëtare Ministria e Kulturës do te nisë procedurat për përfshirjen e festivalit në Listën e Trashëgimisë Kulturore Botërore Jomateriale nën Mbrojtjen e UNESCO-s Në periudhën 24 qershor-1 korrik në skenën e kalasë së Argjiros u ngjitën rreth 1200 artistë popullorë nga të gjitha qarqet e vendit por edhe Diaspora. Festivali Folklorik Kombëtar u rikthye pas 8 vitesh mungese në Gjirokastër ndërkohë që edicioni i parë i tij është organizuar në vitin 1968.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
