Ambasadori i Republikës së Ukrainës në Shqipëri, Volodymyr Shkurov ishte i ftuar special i Klubit letrar Shtëpia Studio Kadare për të diskutuar mbi veprën e poetit kombëtar të Ukrainës, Taras Shevçenko.
Rrobat e leckosura dhe të pluhurosura nga marshimet e gjata mes stepave të pafundme të tokave gogoliane të Ukrainës, mjekra dhe flokët e shpupuritura, nga erërat e kamxhikve (porsi kamxhikët e kozakëve të Donit) dhe dielli përcëllues i Lindjes tartare-këto qenë rrethanat në të cilat ushtari dhe ekonomisti Mitrush Kuteli pati kontaktin e parë me popujt sllavë dhe kulturën e tyre, të cilën në mënyrë krejt rastësore, ai do ta materializonte në përkthimet e tij që do të mahnisnin edhe vetë profesorët dhe studiuesit e veprave klasike dhe do të tregonin se edhe ne kohët më të errëta arti, mund t’i bashkojë popujt me magjinë e fjalës, ndjesive dhe emocioneve që vetëm arti mund ti lind në shprtrat njerëzor.
Me këto fjalë nisi dhe diskutimi mbi veprën e poetit kombëtar të Ukrainës, Taras Shevçenko, me ambasadorin e Republikës së Urkrainës në Shqipëri Volodymyr Shkurov-si një i ftuar special i Klubit letrar Shtëpia Studio Kadare.
Ambasadori Shkurov theksoi rëndësinë që arti dhe kultura ndikojnë në marrëdhënien e popujve.
Midis dhimbjes së asaj që po ndodh në Ukrainë dhe gëzimit për atmosferën që gjeti këtu, çka i kujtonte edhe ditët kur jepte mësime në auditorët e universiteteve, pikërisht lëndën e letërsisë, ambasadori Volodymyr Shkurov shprehu surprizën e një mikpritje që nuk e kishte menduar kurrë!
“Klubi i Librit Kadare” shprehu gatishmërinë se e gjithë hapësira dhe anëtarët e klubit janë në dispozicion të të rinjve ukrainas dhe jo vetëm për çfarëdo lloj aktiviteti të natyrave socio-kulturore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
