Aktorja Felicity Huffman, prindi i parë i dënuar për skandalin e mashtrimit të pranimeve në kolegjin amerikan u lirua nga burgu prej një strukture në Kaliforni të premten, para përfundimit të dënimit të saj 14-ditor, tha një zëdhënëse e burgut.
Ylli i "Desperate Housewives" ishte planifikuar të lirohej të dielën, por zëdhënësja citoi një politikë që lejon lirimin e parakohshëm të të burgosurve, dita e lirimit të të cilëve bie në fundjavë.
Huffman, 56 vjeç, candidate për çmimin “Oscar”, u kthye para autoriteteve në Institucionin Federal Korrektues në Dublin, Kaliforni, më 15 tetor.
Gjyqtarja e rrethit të SHBA Indira Talwani e kishte dënuar atë për të shërbyer dy javë prapa hekurave pasi Huffman u deklarua fajtore për komplotin në lidhje me pagesën e saj prej 15000 dollarësh për të pasur dikë në mënyrë sekrete që përgjigjej në provën e hyrjes në kolegjin e vajzës së saj Sofia.
Ajo është në mesin e 52 personave të akuzuar për pjesëmarrje në një skemë të gjerë ryshfeti, në të cilën u përfshinë prindërit e pasur për të futur fëmijët e tyre në kolegje si Yale, Stanford dhe Universitetin e Kalifornisë Jugore.
Huffman, e cila fitoi një çmim “Emmy” për serialin "Shtëpiake të dëshpëruara" dhe ishte nominuar për “Oscar” si aktorja më e mirë për rolin e saj në filmin e vitit 2005 "Transamerica", tha se vajza e saj nuk ishte në dijeni të skemës, derisa aktorja u arrestua në 12 mars. Pas arrestimit të Huffman, kolegji refuzoi pranimin e së bijës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
