“Muzikë nga vitet e stuhishme”, koncerti me muzikën më të mirë shqiptare të kompozuar ndër vite, erdhi mbrëmë në skenën e Teatrit Kombëtar të Operës dhe Baletit.
Në skenën e Teatrit Kombëtar të Operës dhe Baletit, u rikthyen kompozimet e artistëve shqiptarë ikonë, si Dhora Leka, Simon Gjoni dhe Nikolla Zoraqi, me koncertin “Muzikë nga vitet e stuhishme”, në koncertin që do të jetë mbrëmjen e së enjtes.
U interpretuan vepra si “E lirë u ngrit toka jonë”, “Uvertura me temat heroike”, “Cuca e Maleve” e deri te opera-baleti autobiografik “Një jetë në stuhi” e Dhora Lekës, ilustruar me projektime fragmentesh dhe foto ilustruese, vlerësime nga personalitet dhe artistë që kanë interpretuar muzikën e tyre ndër vite.
Koncerti memorial, me përzgjedhje veprash artistike nga më të spikaturat e muzikës shqiptare, u soll mjeshtërisht nga Orkestra Simfonike, solistët dhe Kori i TKOB-së, nën dirigjimin e Edmond Dokos dhe dirigjentit të Korit, Dritan Lumshi. E veçanta e këtij koncerti ishte edhe pjesëmarrja e Korit të Zërave të Bardhë, përgatitur nga Sonila Baboçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
