Më 19 qershor të vitit 1988, u nda nga jeta aktorja e mirënjohur dhe Artistja e Popullit, Marie Logoreci. Në rini ndoqi shkollën femërore katolike të “Motrave Stigmatine” dhe më pas gjimnazin e Shkodrës. Bashkë me dëshirën për aktrim, lëvroi edhe artin e muzikës. Shpeshherë, zëri i saj i ngrohtë do të ndeshej në valët e Radio Tiranës, si edhe në korin e sapokrijuar të shtetit. Logoreci do të dëshmonte për gurthemelin e kinematografisë shqiptare, teksa nisi të interpretojë në filmat “Skënderbeu”, “Fëmijët e saj”, “Tana”, “Toka Jonë”, si edhe në realizimin e rolit të Lokes, personazhit shumë të dashur për publikun, ku interpretoi përkrah Ndrek Lucës, Mario Ashikut e Roza Anagnostit. Presidenti Nishani e dekoroi pas vdekjes me dekoratën e lartë “Nderi i Kombit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
