“High Flying Birds” të Noel Gallagher-it ka nxjerrë një këngë të re “Black Star Dancing” para EP*-së me të njëjtin titull dhe që do të dalë në treg digjitalisht më 14 qershor dhe në vinil 12″.
“Black Star Dancing” është kënga më e re e Gallagher-it që nga viti 2017, kur nxori albumin “Who Built The Moon?” (Kush e ndërtoi Hënën?). Muzikanti tha se në të ka kombinuar ndikime nga “David Bowie, INXS, U2, Queen, Indeep dhe ZZ Top”.
“Ndoshta kam parë tepër Top Of The Pops kohët e fundit. Megjithatë, është shumë i mirë, jo se e them unë, këto janë fjalët e Nile Rodgers-it, i cili vërtet kërcente kur e dëgjoi në studio”, u shpreh Gallagher-i.
Më parë, këngëtari kishte thënë se gjithçka po shkruante “tingëllon si “The Police”, “The Cure” ose si të dy grupet bashkë në një”. /sipas Rolling Stone, përgatiti Erina Çoku/
*EP - regjistrim muzikor që ka më shumë se një pjesë, por nuk klasifikohet për një album.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
