Çdo person që ka dëshirë të dhurojë një libër për vajzat apo gratë e dënuara, që vuajnë dënimin e tyre në Institucionin e Ekzekutimit të Vendimeve Penale “Ali Demi”, do të mund ta bëjnë këtë tek stenda e ngritur nga Ministria e Drejtësisë.
Ministri i Drejtësisë Ulsi Manja, ka bërë të ditur se stenda për grumbullimin e librave të dhuruar, që më tej dot t’u jepen vajzave dhe grave të dënuara, do të jetë e hapur deri në fund të gushtit.
Nismës së IEVP “Ali Demi”, “Dhuro një libër, dhuro një çast lirie”, për dhurimin e librave për vajzat dhe gratë në konflikt me ligjin i është përgjigjur edhe stafi i Drejtorisë së Përgjithshme së Burgjeve së bashku me Drejtorin e Përgjithshëm, Admir Abrija.
Nga sot deri në 18 gusht në hyrje të Drejtorisë së Përgjithshme, do të ketë një stendë ku mund të dhurohen libra nga stafi civil dhe me uniformë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
