Për të 16-tën herë radhazi, edhe këtë vit në Shqipëri do të zhvillohen javët gjermano-shqiptare të kulturës, në kuadër të Tetorit Gjerman 2022.
Ambasada Gjermane në Tiranë, njoftoi sot për kalendarin e aktiviteteve që do të zhvillohen në kuadër të Tetorit Gjerman 2022, që nis më 29 tetor.
“Së bashku me partnerë të shumtë organizojmë tashmë për të 16-in vit radhazi Javët e Kulturës Gjermano-Shqiptare”, njoftoi Ambasada Gjermane.
Këtë vit Tetorin Gjerman e kemi vendosur nën moton „Përndritje“. Në këtë mënyrë dëshirojmë të hedhim dritë mbi aspekte të ndryshme të kulturës së vendeve tona dhe të sjellim në “dritën” e skenës artistë dhe projekte kulturore gjermano-shqiptare.
Ndërsa deri në fund të tetorit do të zhvillohet një program i larmishëm aktivitetesh në Tiranë dhe në qytete të tjera të Shqipërisë, që përfshijnë veprimtari për prezantimin e librave, performanca kërcimi, filma artisti, ekspozita fotografike, shfaqe teatrale e lexim letrar.
Ambasada Gjermane njofton se programi i plotë i aktiviteteve gjeni në faqen e internetit: www.tetori-gjerman.com, në rrjetin social Facebook tek “Ambasada Gjermane Tiranë”.
Javët Gjermane të Kulturës, zhvillohet në Shqipëri që prej vitit 2007.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
